Edukimi në TES është  një  ndërthurje e kurrikulave të plotësuara dhe të integruara me      metodologjinë  bashkëkohore  dhe interaktive.

TES synon që të përthithë dhe reflektojë në të gjithë komponentët e saj parimet dhe vlerat më të mira që udhëheqin shoqërinë, për të ndërtuar themele të forta për edukimin e ardhshëm të fëmijëve.

Synimi i institucionit “TES” është njeriu i edukuar në të gjithë dimensionet. Është njeriu i të ardhmes, i cili zotëron aftësitë/kompetencat e nevojshme për të përballuar sfidat e të ardhmes.  Është njeriu i cili zotëron njohuritë në të gjithë fushat e dijes dhe në të gjithë dimensionet e edukimit. Është njeriu i orientuar nga e ardhmja dhe jo nevojat e shoqërisë së sotme.

TES  synon  edukimin  e  fëmijëve  me  kompetencat  bazë  që  u duhen në jetë. Ne synojmë të mësojmë aftësinë e zgjidhjes së problemeve nëpërmjet zgjidhjes së ushtrimeve matematikore. Ne  synojmë të mësojmë aftësinë e komunikimit nëpërmjet leximit të librave. Ne synojmë të mësojmë si të ndërtojmë ekip nëpërmjet  sportit. Këto aftësi do jenë mjetet që do i duhen nxënësve tanë për t’u përballur nesër në jetë.

Fushat e dijes:

TES synon të përcjellë  njohuritë dhe dije në fushat bazë sipas kurrikulës bërthamë, e kombinuar kjo  me punën specifike të talenteve të veçanta tek fëmijët.  Programi bazë është kurrikula  zyrtare  e  ndërthurur me  programin shtesë dhe metodologjinë TES.

Kurrikula bazohet në një proces më të thellë i të mësuarit dhe orientimin e tyre drejt studimeve  të mëtejshme dhe drejt tregut të punës.

Procesi i përvetësimit të dijeve dhe zhvillimit të aftësive bazohet në nevojën e të rinjve për të marrë përgjegjësi për jetën e tyre, për të marrë pjesë si qytetarë aktivë dhe inkuadruar me sukses në tregun e punës.

Gjimnazi në TES i ofron mundësi që nxënësit të kuptojnë, zhvillojnë dhe shkëmbejnë ide dhe informacione në gjuhën shqipe standarde; gjuhë të huaj; të analizojnë faktorët kryesorë që ndikojnë në zhvillimin e shoqërisë; Mundësia për njohje më e thelluar e mjedisit shoqëror, natyror e kulturor në të cilin veprojnë dhe bashkëpunimi me të tjerët. Mundëson që nxënësit të thellohen në njohjen dhe kuptimin e ligjeve bazë të shkencave të natyrës dhe në kuptimin e vlerës praktike të njohurive të fituara. Nxënësit përfshihen në procese që synojnë kuptimin e sistemit të vlerave.

Numri maksimal i nxënësve në klasë është 24.

Gjimnazi zbaton programet e miratuara nga MAS, dhe zbatohen  programe të avancuara që i përshtaten kërkesave të edukimit të kohës.

Në lëndët  shkencore (matematikë, fizikë, kimi, biologji) zhvillohen orë shtesë për nxënësit e talentuar,  kqë shërben në përgatitjen e tyre për Olimpiada të kombëtare (Matematikë, Kimi, Biologji, Fizikë, Informatikë, Letërsi, Histori, Gjeëografi ) dhe ndërkombëtare (Kangaroo, Hipo, International Public Speaking Competition, Olimpiada Britanike e Biologjisë )

Shkolla është e licensuar si shkollë ndërkombëtare e Cambridge-it dhe ofron dy orë në javë lëndën Mathematics dhe Science në gjuhën angleze.

Lënda e Informatikës zhvillohet në gjuhën angleze.

Në të gjitha klasat zhvillohet gjuha e huaj gjermane, si gjuhë e huaj e dytë.

                      PLANI MËSIMOR PËR KLASAT 10 – 12