Shkolla ofron këshillim të specializuar dhe individualizuar për nxënësit me qëllim orientimin e tyre për karrierën.Orientimi për karrierën ka si qëllim mbështetjen e nxënësve për të kuptuar veten dhe mjedisin në të cilin jetojnë, në mënyrë që ata të pajisen me aftësi për të vendosur për rrugët e arsimimit të tyre të mëtejshëm dhe përgatitjen për botën e punës. Vëmendje të veçantë në këtë proces marrin nxënësit e klasës së 9-të, të cilët janë para një vendimi të rëndësishëm të përzgjedhjes së karrierës. Në shumë raste ekziston pavendosmëri e nxënësve rreth profesionit dhe drejtimit/shkollës që duhet zgjedhur; në disa raste informimi i pamjaftueshëm për profilet e shkollave profesionale bën që nxënësit të mos i zgjedhin. Mbështetja për nxënësit e klasës së 9-të synon ndërtimin e praktikave të qëndrueshme të orientimit për karrierë, duke vendosur nxënësit në qendër për t’i mbështetur ata në zhvillimin e tyre personal dhe profesional. Nxënësit e klasës së 9-të mbështeten të zhvillojnë aftësi për të përputhur shprehitë, cilësitë, dëshirat, mundësitë personale me prirjet e zhvillimit ekonomik dhe të tregut të punës, si dhe me mundësitë për arsimim, me qëllim planifikimin dhe vendimmarrjen për shkollimin/trajnimin e mëtejshëm. Veprimtaritë për orientimin për karrierën në shkolla synojnë që nxënësit e klasës së 9-të të jenë të mirinformuar, të ndjehen të mbështetur për ta bërë sa më efektiv kalimin në arsimin e mesëm të lartë, si dhe të ndjekin në mënyrë të suksesshme rrugët e tyre të të nxënit gjatë gjithë jetës.
PLANI VJETOR I VEPRIMTARIVE PËR ORIENTIMIN PËR KARRIERËN PËR KLASËN E IX
| NR. | VEPRIMTARIA | QËLLIMI/REZULTATET | PËRGJEGJËS I VEPRIMTARIS | AFATI | MJEDISI KU ZHVILLOHET |
| 1. | Prezantimi i udhëzuesit të orientimit të karrierës | Informim i mësuesve, punonjësve psiko-sociale me udhëzuesin, këshillim që të zhvillojnë elemente të edukimit për karrirën përmes lëndëve | Drejtori Psikologia | Shkurt | Biblioteka e shkolles |
| 2. | Ngritja e komisionit të këshillimit të karrierës | Orientimi nxënësve drejt prirjeve dhe aftësive të tyre. | Drejtoria Stafi i mësuesve | Janar | Në shkollë |
| 3. | Këshillimi psikologjik i vazhdueshëm | Të monitorohet ecuria psikologjike e nxënësve duke parandaluar cdo lloj shqetësimi të mundshëm. | Psikologia e shkollës Drejtoria Prindërit | Shkurt – Maj | Në shkollë |
| 4. | Takime me nxënësit për prezantimin e shkollës së mesme | Njohja e nxënësve me programet shkollore të cilat ofrohen në gjimnaz, si dhe me aktivitetet kryesore që zhvillohen aty | Koordinatorja e K. Karrierës Prindërit | Prill | Në shkollë |
| 5. | Takime të posaçme me prindër për orientimin e karrierës | Diskutimi rreth planeve të së ardhmes dhe hapave që fëmija duhet të ndërmarrë më tej | Mësuesit kujdestar Drejtoria | Prill | Në shkollë |
| 6. | Prezantimi nga nxënësit, i prirjeve dhe aftësive personale në një format të caktuar. (Në trajtën e një esseje) | Qartësimi për nxënësit dhe prindërit i interesave dhe i dëshirave personale | Koordinatorja e K. Karrierës Mësuesit e Gjuhës | Maj | Në shkollë |