Vizioni që shohim është gjenerata e ardhshme e individëve “të plotësuar në të gjitha dimensionet, që besojnë dhe përpiqen për të përmbushur misionin e tyre, si qytetarë aktivë, zhvillues dhe përmirësues përmes punës”. Shohim profesionistët që zotërojnë aftësitë më të mira në fushën e tyre, që janë në gjendje të aplikojnë dijen e përvetësuar. Sipërmarrësit, me vetëbesimin për të marrë përsipër përgjegjësitë, me durimin për të përballuar sfidat dhe maturinë për të mbajtur peshën e vendimarrjes. Drejtuesit që rregullojnë marrëdhëniet shoqërore, formësojnë familje e komunitete, të ndërgjegjshëm për rolin e tyre në shoqëri. Sipërmarrësit të orientuar drejt qëllimit, sfidues të realiteteve dhe kreativë për të projektuar të ardhmen, mbështeten në parime të forta dhe mbartin vlera të larta.