Edukimi

Mësimdhënia bazohet në kurrikulën e sistemit arsimor shqiptar sipas udhëzimeve të MAS-it, i kombinuar me përmirësimet në kurrikul, përfshirja e programit Cambridge në Matematikë dhe Shkencë në gjuhën angleze me 1 orë në javë (klasa 10-12). Nëpërmjet stafit pedagogjik të përzgjedhur, metodave bashkëkohore të mësimdhënies me në qendër nxënësin dhe të nxënit, shkolla synon të ofrojë formim intelektual, zhvillim edukativ dhe social cilësor. TES shikon individualitetin e fëmijës me aftësitë dhe talentet unike të tij/saj dhe inkurajon zhvillimin në rritjen akademike, rritjen personale dhe sociale (aftësitë ndërpersonale). Shkolla vë në shërbim të mësimdhënies laboratorë: kimi, biologji, fizikë, gjuhët e huaja, TIK, pikturë, palestër dhe biblotekë me literaturë të pasur në gjuhën shqipe dhe të huaj.

Mësimi në klasë zhvillohet me smartboard si mjeti i teknologjisë që rrit cilësinë e mësimdhënies, mundëson mësimdhënie interaktive dhe bashkëkohore. Gjithashtu në lëndët shkencore dhe në anglisht mësuesit përdorin programin IXL për të diagnostikuar arritjet e nxënësve në mënyrë të vazhduar dhe për t’i nxitur ata të sfidojnë veten.

Kurrikula

Edukimi në TES është  një  ndërthurje e kurrikulave të plotësuara dhe të integruara me metodologjinë  bashkëkohore  dhe interaktive.

Edukimi përfshin 4 dimensionet kryesore, në përputhje me natyrën dhe nevojat e nxënësit dhe qytetarit të ardhshëm. Këto dimensione janë:

• Dimensioni Intelektual/Dije
• Dimensioni Fizik/Shëndet
• Dimensioni Qytetar/Moral
• Dimensioni Shpirtëror/Emocional

Numri maksimal i nxënësve në klasë është 24.

Gjimnazi zbaton programet e miratuara nga MAS, dhe zbatohen  programe të avancuara që i përshtaten kërkesave të edukimit të kohës.

Në lëndët  shkencore (matematikë, fizikë, kimi, biologji) zhvillohen orë shtesë për nxënësit e talentuar,  që shërben në përgatitjen e tyre për Olimpiada të kombëtare (Matematikë, Kimi, Biologji, Fizikë, Informatikë, Letërsi, Histori, Gjeëografi ) dhe ndërkombëtare (Kangaroo, Hipo, International Public Speaking Competition, Olimpiada Britanike e Biologjisë )

Shkolla është e licensuar si shkollë ndërkombëtare e Cambridge-it dhe ofron dy orë në javë lëndën Mathematics dhe Science në gjuhën angleze.

Në të gjitha klasat zhvillohet gjuha e huaj gjermane, si gjuhë e huaj e dytë.

                      PLANI MËSIMOR PËR KLASAT 10 – 12