Institucioni BLETËZAT
Është një institucion arsimor i strukturuar që mbulon me staf, standarde dhe me procedura të mirëpërcaktuara çdo funksion. Ofron siguri, rregull dhe disiplinë si pjesë të rëndësishme të edukimit dhe mirëfunksionimit të institucionit. Realizon edhe shërbimet e nevojshme ndihmëse si kujdesi mjekësor, kujdesi psikologjik dhe siguria si elementë thelbësorë të një institucioni model.

VIZIONI
Ne nuk e shohim të ardhmen, por mund të shohim cilësitë që i duhen këtyre fëmijëve për t’u
përballur me të.
PARIMET

Kurrikula e gjerë me bazë kompetencash, Baraspesha dhe integrimi, Vijimësia , Gjithëpërfshirja

Respekti për të ndryshmen, Qasja ndaj besimeve, Bashkëpunimi dhe artneriteti, Autonomia dhe fleksibiliteti

VLERAT
Vlerat themelore që mbartim brenda BLETËZAT: respektimi i të drejtave të fëmijëve; tolerance; mirëkuptimi; ndërveprimi dhe të ndarit të përvojave dhe të gjërave me njëri-tjetrin; gjithëpërfshirja; autonomia; vetëbesimi, atdhedashuria; trashëgimia e vlerave kulturore; si dhe përfshirja e prindërve dhe e komunitetit në kopsht.

1. Edukimi në BLETËZAT
   Është ndërthurje e kurrikulave të plotësuara dhe të integruara me metodologjinë bashkëkohore dhe interaktive. Përbëhet nga një staf me përvojë. Stafi përbëhet nga edukatorë me eksperiencë në mësimdhënie.

Mjediset TES
Karakterizohen nga standarde të larta dhe cilësi maksimale për mbarëvajtjen e mësimit.

Mjedisi, si vendi ku zbatohet kurrikula, ka rëndësi mënyra sesi ai modelohet që të ndihmojë përmbushjen e qëllimeve kurrikulare. Mjedisi në BLETËZA:

• – Nxit te fëmijët ndjenjën e përkatësisë, përkujdesjes brenda dhe ndërmjet fëmijëve;
  – Nxit dëshirën te fëmijët për pavarësi;
  – Ndihmon fëmijët të jenë të sigurt dhe të shëndetshëm;
  – Rrit pjesëmarrjen e familjes në programin parashkollor;
  A. Qëllimi i arsimimit në “BLETËZA”
  Brezi i fëmijëve, që zotërojnë vullnetin dhe vendosmërinë, dijet e nevojshme, si dhe përvojën jetësore për t’ju përgjigjur sfidave, në funksion të rritjes së mirëqenies së familjes dhe shoqërisë shqiptare.
  Në “BLETËZAT” fëmijëve u mundësohet:
• Të shoqërizohet me familjen, shokët, mësuesit dhe të rriturit e tjerë;
• Të pranojë të tjerët dhe të jetojnë së bashku pavarësisht gjinisë, etnisë, moshës dhe aftësive;
• Të përshtatet dhe të shijojë përvojat e lidhura me ndryshimin, surprizat dhe pasigurinë;
• Të kuptojë drejtësinë në lidhje me veten e tij dhe të tjerët;
• Të marrë pjesë në krijimin, ndjekjen dhe ripunimin e rregullave që sigurojnë mbarëvajtjen e procesit;
• Të komunikojë mendimet dhe përvojat në mënyrë krijuese, duke përdorur disa forma të të shprehurit.
• Të zhvillojë koordinimin fizik dhe sjelljen e shëndetshme.