Gjimnazi “TES” ka një infrastrukturë bashkëkohore, me hapësira të ndriçuara, të sigurta e me kushtet optimale të mësimdhënies. Klasat janë të pajisura me tabela digjitale, të cilat mundësojnë mësimdhënie interaktive. Kushtet e higjienës janë optimale, për të siguruar një mjedis që mbështet mirërritjen dhe sigurinë e shëndetit të fëmijës.

Shkolla është e pajisur me dalje qëndrore dhe shkallë emergjence si dhe është subjekt i certifikuar për mbrojtjen nga zjarri dhe për evakuim në rast tërmeti.

Gjimnazi ka laboratorë të përveçëm për zhvillimin e lëndëve shkencore: fizikë, biologji, kimi, matematikë, tik, laboratorë për gjuhët e huaja si dhe palestra sportive të mbyllura dhe të hapura për të zhvilluar edukimin fizik.

Shkolla ka  një bibliotekë të pasur me literaturë në gjuhën shqipe dhe në gjuhë të huaja (anglisht dhe gjermanisht). Numërohen rreth 900 tituj të ndryshëm librash, literaturë për fëmijë dhe për të rritur, si dhe materiale studimore në ndihmë të stafit pedagogjik.